Salamat sa unang pagliko sa ikatlong kanto!
Kung paano ka man napunta sa kantong ito ay hindi ko na alam pwedeng naligaw ka lang o pinilit kitang dumaan dito, kahit anu pa man yun, nagpapasalamat ako sa iyong pagliko.
Dahil dito sa ikatlong kanto, ako ay isa nang ganap na BLOOGER! (basa: blogger)hahaha! ito ang unang pagkakataon sa buhay ko na magsulat ng isang bagay na maaaring mabasa nang kahit sino. Gagawin ko itong maagaang babasahin at parang nakikipag-chikahan lang ako sa iyo, kaya pinili kong sa tagalog isulat ang ang mga nasa isip ko.
Sa pagliko mo dito ay makakakita ka ng maraming bagay, karamihan ay mga interes ng mga nakatira dito. mga bagay na nakakatawa (sa tingin ko), nakakainis, nakakamangha, mga kalokohan at siguro karamihan dito ay walang kwenta na pampalipas oras lamang, pero alam ko babasahin mo pa rin ito, kaya apir!
Isa lamang na paalala, wag kayong mahiya na isulat ang anuman sabi-sabi niyo tungkol sa aking mga isusulat, kahit anu pa man yan! oks? cge. apir ulet!
Ayan! tama na ang pagpapakilala, tara na! paki sabi lng kay mamang traysikel drayber:
"manong, paki liko lang ho sa ikatlong kanto... salamat!"
